دروس الليالي شيّبت عارضٍ .. ما شاب
و شيب اللحى عقب التجارب شهادة طيب
وأنا رفقتي للرجل ما هي بـ ضحكة ناب
هي الزم على نفسي من حساب نقد الجيب
أحب الجماله وأحسب لـ كل شيء حساب
وهرج القفا ما ينقله من يخاف العيب !
هذي لذة لسان الردي والردي وش جاب ؟
و راعي الردى مسعاه تال النهار يخيب
أشوفك جفيت و خاطري عقبكم ما طاب
وقلبي على رفقتك .. يقنب قنيب الذيب
مكانك بـ صدري له ركون وعمد وأطناب
لك الله على ما أقول .. والله عليم الغيب
غلاك و غلا صاحبك في كفّتين نصاب
غلاً خالصٍ لله .. ما فيه شك و ريب !
أصونه عن عيون الحسد والعيون حراب
عساها عيونٍ من بلاوي الزمان تشيب
ليست هناك تعليقات:
إرسال تعليق