القصيد شعور يطلع على الشاعر دليل
ويتضح للناس دق العلوم .. وجلها
الهزيله ما يغني بها كون الهزيل
والجزيلة عند أهلها وهم كفو لها
وأكثر الشعّار في وقتنا حطّاب ليل
لا لقى له حاجةٍ في طريقه .. شلّها
وجاك يشعب سابقه تعتدل وإلا تميل
وصفّقت له شلّته والقناة .. أحتلها
البيوت مكسّره والهدف ما من حصيل
ويطوي المكره على خيبته .. ويفلها
وإن لقى له عاقلن يرشد القلب الهبيل
ينصحه ويقول أخذ ذي وهذي .. خلها
لا إستفاد من النصيحه والا صمَد جميل
فيه ناس لو تكب القصيد .. أحسنلها
لابغيت الشعر يبقى لجيلن بعد جيل
وكل ما أصغوله هل الصنف قالوا سلها
فرتفع به فوق وابنه على معنى جزيل
وكل مامريت هزله بدربك .. زلّها
الكلام الذرب يقنع ولو أنه قليل
والسماجه كل رجل شريف يملها
والقصيد أنواع شيء كما حد الصقيل
كل ما توحيه الأعداء تزايد .. غلّها
وعند من يعرف معانيه مثل السلسبيل
الشعور يهزها والكبود يبلها
وشيء ما ينقال وأنا على ربي دخيل
من هزيلات السوالف ومن طبلها
والجواهر في البحر والبحر قاعه طويل
ناس تاصلها لكن ناس ما تاصلها
ودي أسمعكم اللي نظمت آخر موديل
وأعتبرها من جديد البناء في حلها
ننتقيها مثل ما ننتقي طلع النخيل
من مطاويح تشابك تحتها ظلها
أسمعوها جعلها تشفي القلب العليل
وتنفع اللي دن دنت له وهو دندلها
يامفرط مثل حالي وابو حملن ثقيل
لاتفوتك كلمتي لوسمحت افطن لها
الفتن قامت تصبح وتهجدنا بليل
ولا مضت فتنه وراحت تجيك أخت لها
ومامضى من وقت عمرك رجوعه مستحيل
لو تمنى اللي مضى والدموع تهلها
ولو تعيش سنين لابد من يوم الرحيل
والمنايا كان ماجات لك ترحل لها
أستعد لساعة الموت ماعنها سبيل
ساعتن فيها تضيع الهقاوي كلها
ينقطع فيها العمل والنفس فيها يعيل
يوم ينزعها من أقصى الجسد ويتلها
أستعد لحفرتن ما معك فيها نزيل
ينقلونك فوق الأكتاف وتنزل لها
تنفرد غير العمل لا صديق ولا زميل
وحفرتن فيها تخلى وحيد اعملها
تستوي فوقك وتسال تحت كوم النثيل
اسئله ماكل من وجهت له .. حلها
كون من وفق وحقق رضى الرب الجليل
يلهمه ربه جميع الحجج .. ويدلها
وأستعد لموقف العرض في يوم مهيل
وكل نفسن فيه يظهر عليها ذلها
في نهارن تقرب الشمس منا طول ميل
ولا شجرت ولاحجرت نجي في ظلها
والعرق من شدت الكرب وديانن تسيل
وتنتظر كل المخاليق وش يحصلها
ولو تعذر كل شيء عليه الله وكيل
وكل نفس تاجد أعمالها في إسجلها
ليست هناك تعليقات:
إرسال تعليق